ይሄንን ፕሮጀክት በመጀመሪያ በዩቲብ ስመለከት ማመን ነው ያቃተኝ፣ እንደ ሰው ተጠራጥሬም ነበር እውን ይሄን ያህል ሜጋ ፕሮጀክት በኢትዮጵያውያን ይሠራል? እውን ብፁዕነታቸው እድሜውን ሰጥቷቸው ያስጨርሱት ይሆን ብዬ ትንሽ በልቤ ጥርጣሬ ገብቶኝ ነበር፣ ምክንያቱም ከዚህ በፊት የምናውቃቸው ትላልቅ ቤተክርስቲያናት 30 ዓመት ፈጀባቸው ለመጨረስ ሲባል ሰምቻለሁ ታዲያ ዛሬ ላይ የሥራዎቹ ወደ 50% በአንድ ዓመት ውስጥ መጠናቀቁን ስሰማ ስለእውነት በራሴ መጠራጠር አፈርኩ፣ እራሴንም ከአሁን በኃላ ይሄ ፕሮጀክት እስከሚጠናቀቅ እና እስኪጀመር አብሬ ለመሥራት ለማገዝ ቃለ ገባቡኝ፤ ከዚህ በኃላ በኃላ ወንበር ቁጭ ብለን መተቸት ሳይሆን አብሮ መሥራት ብቸኛው አማራጭ መሆኑን የተማርኩበት ፕሮጀክት ነው፤ ይህን ሃሳብ ያመነጩትን ወንድሞች እህቶች አባቶች እግዚአብሔር አምላክ እድሜውን ያበድራችሁ፤ ተጨማሪ እድሜ ሰጥቷችሁ እስከ መጨረሻዋ ድረስ የቅድስት ቤተክርስቲያንን ትንሳኤ ያሳያችሁ ለእኛም ለምንጠራጠረው ልቦናውን ይክፈትልን በማለት አጠቃልላለሁ፤

ወ ጊዜ ለኩሉ” ይባላል እኮ ወንድሞቼ ጊዜው ደርሶ የግዕዝ ዩኒቨርስቲ በኦርቶዶክሳውያን ብርታት ሊገነባ መሆኑስ ስሰማ የተሰማኝን ልነግራችሁ አልችልም፤ ምክንያቱም ቀደምት አባቶቻችን ቀድመው የቤተክርስቲያናችንን ትምህርቶች በሙሉ፣ መጻሕፍቱን፣ ብራናውን፣ ዜማውን፣ ዜና መዋዕሉን፣ ገድላቱን በሙሉ በትላልቅ መጻሕፍት ደጉሰው ሰንደው ለእኛ ለልጆቻቸው አውርሰውን አልፈው ነበር፤ ነገር ግን የእኛ ትውልድ ሌላ መሥራት ባንችል እነዚህ ጥንታውያን አባቶቻችን ያስቀመጡልንን ማቆየት አቅቶን ለብዙ ውድቀት ተዳርገናል፤ አሁን ግን እንደ ብፁዕ አቡነ አብርሃም ያሉ የአባቶቻቸው ልጆች ይህንን ይዘው መምጣታቸው ሁሌም ቤተክርስቲያን ስታስባቸው ይኖራሉ፤ እድሜ ይስጥልን አባታችን በረከትዎ ይደርብን አሜን

የጽርሐ ጽዮን ፕሮጀክት እጅግ በጣም ለሃገር ፣ ለወገን፣ እንዲሁም ለቅድስት ቤተክርስቲያን እጅግ በጣም ጠቃሚ እና መጪው ትውልድ ሊቀርጽ ቅድስት ቤተክርስቲያንን ወደ ቀደመ ክብሯ ሊመልስ የሚችል ትልቅ ፕሮጀክት ነው። የተጀመረውን የማስጨረስ የእኛ እና የእኛ ብቻ ነው ያንንም ማድረግ ሃላፊነታችን ባቻ ሳይሆን ግዴታም ጭምር ነው እላለሁ፤

ብፁዕ አቡነ አብርሃም የልማት አባት ናቸው፣ በቅዱስ ራጉኤል ቤተክርሲትያን የሠሩት ትውልድ የሚያንጽ ሥራ በቅድስት ቤተክርሲትያናችን ዘወትር ሲወሳ ይኖራል፤ አሁንም በባሕር ዳር የጀመሩት መጠነ ሰፊ ፕሮጀክት የዚህ የቅዱስ ራጉኤል ሥራቸው ተከታዩ ክፍል ነው፤ እስከ መጨረሻው የብፁዕ አባቻንን ሥራ በጋራ ሆነን መጨረስ እና ማስፈጸም ከሁላችህም የሚጠበቅ ሃላፊነት ነው እላለሁ፤

የግዕዝ ዩኒቨርስቲ? ማን ያስበዋል እጅግ ትልቅ እና መሠረታዊ ሃሳብ ለሃገራችን የሚያስፈልግ፡ ቤተክርስቲያን ዛሬ ለደረሰችበት ችግር የደረስነው የቀደሙት አባቶቻችን የግዕዝ ዩኒቨርስቲን የመሰሉ የቀደሙትን እሴቶቻችንን ሊጠብቅ እና ሊያስቀጥል ባለመቻላቸው ይመስለኛል፤ አሁን ግን ጥብአት ያላቸው አባቶቻችን በመነሳታችው እንዲህ አይነት ሃሳቦች የብዙዎችን ልብ በመግዛቱ ዛሬ ላይ የጽርሐ ጽዮንን ሥራ ለመጨረስ በመቃረቡ፣ ደስታችን እጥፍ ድርብ ነው፣ ይበል ብለናል እኛም የምንችለውን እናደርጋለን በርቱልን::